Virkar Fjárfestingar
Fréttir
Frumtak fjárfestir í Spectaflow
Spectaflow, sem þróar hugbúnaðarlausnir fyrir hótel- og gistimarkaðinn, hefur tryggt sér 260 milljóna króna fjármögnun sem er leidd af Frumtaki með þátttöku Nýsköpunarsjóðs. Fjármagnið mun nýtast félaginu við áframhaldandi þróun hugbúnaðar og...
Kría fjárfestir í þremur vísisjóðum
Frétt fengin af síðu Viðskiptablaðsins. Kría, sprota- og nýsköpunarsjóður á vegum Nýsköpunarsjóðs atvinnulífsins, mun á næstu árum fjárfesta fyrir rúma 2,2 milljarða króna í þremur sérhæfðum fjárfestingarsjóðum sem hafa það markmið að fjárfesta í sprota- og...
PLAIO tryggir sér fjármögnun á áframhaldandi vexti
PLAIO, sem þróar hugbúnaðarlausnir fyrir samheitalyfjaiðnaðinn, tilkynnti í dag 300 milljón króna fjármögnun frá Frumtaki. Fjármagnið mun nýtast félaginu við áframhaldandi þróun hugbúnaðar og uppbyggingu sölustarfs á alþjóðlegum mörkuðum. PLAIO hefur þegar haslað sér...
Fjárfestingaferli Frumtak Ventures
Þegar við, fjárfestingastjórar Frumtaks, höfum fundið verkefni sem okkur finnst spennandi tökum við það formlega fyrir og ákveðum að leggja það fyrir stjórn sjóðsins til kynningar því það er stjórn sjóðsins sem tekur hina eiginlegu fjárfestingarákvörðun. Stjórnarfundir eru yfirleitt mánaðarlega. Kynningin er með þeim hætti að frumkvöðullinn mætir á stjórnarfundinn og kynnir verkefnið í 50 mínútur þar sem gert er ráð fyrir 10-15 mínútum í spurningar og svör. Það er mikilvægt að geta náð á skýran og skilvirkan hátt að útskýra fjárfestingatækifærið. Ef það tekst þá liggur ákvörðun fyrir eftir fundinn, annaðhvort að hafna verkefninu eða að fjárfestingastjórar sjóðsins fá heimild til að ganga til samninga.
Það getur tekið tíma að ganga frá samningum og sérstaklega að ljúka áreiðanleikakönnunum. Það ræðst mikið til af því hvað frumkvöðullinn hefur unnið heimavinnuna sína vel og skjalað vel það sem hann er að gera. Þá gengur allt betur. Hjá Frumtaki er stefnt að því að ferillinn frá því að verkefnið er formlega tekið fyrir þangað til fjármunir eru komnir til fyrirtækisins taki innan við 90 daga.
Það eru margir sem halda að þarna ljúki málinu en það er öðru nær því þarna hefst sameiginleg vegferð aðila sem ætlað er að skila árangri. Það þarf að vera skilningur á væntingum og framlagi aðila og sérstaklega er það mikilvægt fyrir frumkvöðulinn að skilja að fjárfestingasjóðurinn getur verið mikilvægur bandamaður með ráðgjöf sinni og samböndum en hann tekur ekki yfir ábyrgðina t.d. á rekstri eða fjármögnun félagsins. Fjárfestirinn á að hafa stefnumótandi hlutverk þar sem hann styður frumkvöðulinn í að ná markmiðum sínum með félagið. Á sama hátt á frumkvöðullinn að nýta sér þennan stuðning en hann þarf að skilja að fjárfestinum eru takmörk sett varðandi þann tíma sem hann hefur til að vera með félaginu og getur því þurft að selja fyrr en frumkvöðullinn.
Á þennan hátt ná báðir aðilar því besta út úr samstarfinu.
Teymið
Svana Gunnarsdóttir
Framkvæmdastjóri
Svana Gunnarsdóttir er framkvæmdastjóri og einn eigenda Frumtak Ventures, sem er umsýsluaðili Frumtakssjóðanna. Svana er með alþjóðlega meistara gráðu frá Nyenrode University í Hollandi og var hluti af því námi við Kellogg School of Management í Bandaríkjunum og Stellenbosch University í Suður Afríku. Svana hefur mikla reynslu af stofnun og rekstri sprota og frumkvöðlafyrirtækja erlendis sem og samruna og yfirtöku. Hefur hún einnig komið að stjórnarsetu og gegnt ýmsum trúnaðarstörfum í öðrum sprotafyrirtækjum. Svana hefur setið í stjórnum þeirra félaga sem eru í eignasafni Frumtaks. Svana bjó í 18 ár í Hollandi en flutti heim árið 2009.
Eggert Claessen
Fjárfestingastjóri
Eggert er fjárfestingastjóri og einn eigenda Frumtak Ventures, sem er umsýsluaðili Frumtakssjóðanna. Hann var sjálfur að stofna og stýra rekstri sprota og frumkvöðlafyrirtækja á sviði upplýsingatækni frá árinu 1981 til 2006. Hann hefur unnið mikið að málefnum UT iðnaðarins og gegnt fjölda trúnaðarstarfa, síðast sem formaður SUT. Hann hefur einnig unnið að hagnýtingu þekkingarverðmæta og tekið þátt í alþjóðlegum verkefnum á því sviði. Eggert var stundakennari hjá Háskóla Íslands og Háskólanum í Reykjavík árin 2000-2010. Eggert lauk doktorsprófi í þekkingarstjórnun árið 2008 frá Brunel University/Henley Management College í Bretlandi þar sem hann sérhæfði sig í áhrifum óefnislegra verðmæta á frammistöðu lítilla UT fyrirtækja. Frá stofnun Frumtakssjóðanna hefur hann setið í stjórnum þeirra fyrirtækja sem eru í eignasafni Frumtaks ásamt því að taka virkan þátt í sprotaumhverfinu.
Ásthildur Otharsdóttir
Fjárfestingastjóri
Ásthildur er einn eigenda og fjárfestingastjóra Frumtaks Ventures. Áður en hún gekk til liðs við eigendahópinn var hún stjórnarformaður félagsins frá 2015-2021. Hún hefur setið í stjórnum ýmissa félaga, til að mynda stjórn Marel frá 2010-2021, þar af síðustu sjö árin sem sem stjórnarformaður félagsins, og stjórn Icelandair Group frá 2012-2019. Áður leiddi Ásthildur viðskiptarþróun hjá Össuri, þar með talið yfirtökur og fjármögnun, og starfaði sem rekstrarráðgjafi hjá alþjóðlega ráðgjafafélaginu Accenture. Ásthildur er með MBA frá Rotterdam School of Management og próf í viðskiptafræði frá Háskóla Íslands. Ásamt stjórnarsetu í fyrirtækjum í eignasafni Frumtaks situr hún í stjórn Íslandsstofu, í háskólaráði Háskóla Íslands og ráðgjafaráði Boards Impact Forum.
Rakel Sigurðardóttir
Fjármálastjóri
Rakel Sigurðardóttir viðskiptafræðingur er fjármálastjóri Frumtaks. Rakel lauk BSc. prófi í viðskiptafræði frá Háskólanum í Reykjavík í janúar 2011 og vinnur nú að því að ljúka meistaranámi í Forystu og stjórnun við Háskólann á Bifröst. Áður hafði hún starfað um árabil hjá dómstól og á lögfræðistofu. Samhliða námi starfaði hún við bókhalds- og skrifstofustörf. Fyrir utan að sjá um fjármál Frumtaks sér hún um fjárhagsupplýsingar fyrirtækja í eignasafninu og skýrslugerðir ásamt uppýsingagjöf til hluthafa.
Brynja Í. Eyjólfsdóttir
Greinandi
Brynja Ísfeld Eyjólfsdóttir viðskiptafræðingur er greinandi Frumtaks. Að auki sinnir hún skýrslugerð og markaðsmálum. Brynja lauk BSc. prófi í viðskiptafræði með áherslu á fjármál frá Háskóla Íslands árið 2018. Hún vinnur nú að því að ljúka meistaranámi í Fjármálum fyrirtækja við Háskóla Íslands. Samhliða námi hefur Brynja unnið við ferðaþjónustu en gekk til liðs við Frumtak sem nemi árið 2019 samhliða meistaranámi.
Stjórn Frumtak Ventures
Magnús Þór Torfason
Stjórnarformaður
Gunnar Engilbertsson
Stjórnarmaður
Sigríður Sigurðardóttir
Stjórnarmaður
Hafið samband
Við hjá Frumtak Ventures hvetjum frumkvöðla til að koma í „spjall“ til okkar því það geta verið fleiri verðmæti í samtalinu heldur en fjármunir til fjárfestinga. Þar sem Frumtak er vaxtarsjóður, þarf að vera komin vara, velta og viðskiptavinur. Þetta er oft ekki til staðar, en engu að síður mikilvægt að aðilar nái að kynnast því það styttir yfirleitt tímann sem þarf til kynninga seinna þegar þessi skilyrði eru uppfyllt. Spjallið verður þannig grunnur til að koma á gagnkvæmum skilningi á milli aðila og ekki síst til þess að byggja upp traust sem er forsenda þess að aðilar treysti sér til þess að vinna saman í framtíðinni
Best er að hafa samband við okkur með því að senda tölvupóst og óska eftir fundi. Vinsamlegast athugið að við fjárfestum eingöngu á Íslandi
+ 354 510 1850
Sendu okkur skilaboð
